Thursday, July 17, 2008

郭富城費達拿上身

[FACE周刊 第60期] FBI File : 郭富城費達拿上身

受 北 京 奧 運 影 響 , FBI 身 邊 班 朋 友 個 個 都 話 要 做 運 動 , 趕 住 買 波 買 拍 買 乜 咁 , 上 星 期 一 ( 7 日 ) 陪 個 老 友 去 銅 鑼 灣 時 代 廣 場 睇 運 動 用 品 , 就 俾 FBI 撞 到 郭 富 城 。
郭 天 王 當 日 好 鬼 high , Royal Sporting House 狂 掃 運 動 衫 、 褲 、 鞋 不 特 止 , 仲 無 端 端 鋪 頭 扮 跳 繩 , 又 突 然 姚 明 上 身 , 起 個 籃 球 拍 拍 , sales 哥 哥 都 冇 佢 符 。 點 知 城 城 轉 頭 又 費 達 拿 上 身 , 話 要 打 網 球 , 仲 住 個 費 達 拿 喜 愛 Wilson 超 大 網 球 袋 猛 咁 照 鏡 , 當 正 人 鋪 頭 係 運 動 場 。

最 後 城 城 買 個 籃 球 、 網 球 拍 、 網 球 袋 、 三 對 運 動 鞋 同 衫 衫 褲 褲 等 加 埋 4 千 幾 蚊 落 樓 , 離 開 時 見 到 FBI , 佢 即 刻 解 話 : 「 我 學 緊 打 網 球 呀 , 我 不 嬲 都 咁 健 康 啦 … … 」 有 個 廿 幾 歲 model 女 友 , 唔 怪 得 年 過 四 十 都 充 滿 活 力 啦 !

城 城 好 大 方 咁 當 眾 度 條 Nike 褲 頭 , 唔 使 照 鏡 , 叫 sales 畀 意 見 , 真 係 零 架 子 喎 。

  • 無 影 繩   夜 晚 9 點 幾 , 城 城 鋪 頭 跳 隱 形 繩 , 時 間 地 點 都 錯 晒 。
  • 打 籃 球   喂 , 呢 度 唔 係 球 場 ! 城 城 你 係 咪 過 度 活 躍 症 ?
  • 泰 國 拍 完 《 風 雲 Ⅱ 》 返 城 城 , 風 騷 到 暈 , 忍 唔 住 騷 隻 麒 麟 臂 畀 FBI 睇 添 , 我 係 咪 可 以 慳 番 張 戲 飛 ?

No comments: